ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

នាយករដ្ឋមន្ត្រីបញ្ជាឲ្យសាលារាជធានីភ្នំពេញបញ្ចេញឡានក្រុងដឹកពលរដ្ឋក្នុងឱកាស បុណ្យភ្ជុំបិណ្ឌ

  • ចុះផ្សាយថ្ងៃទី១២ ខែកញ្ញា ឆ្នាំ២០២២ ម៉ោង ១១:០១ នាទី ដោយ Phon Sotthyroth
  • 2584
  Aa |   aA

ភ្នំពេញ៖ នាយករដ្ឋមន្រ្តីកម្ពុជា សម្ដេចតេជោ ហ៊ុន សែន បានបញ្ជាឱ្យសាលារាជធានីភ្នំពេញពិនិត្យមើលលទ្ធភាពលើការបញ្ចេញឡានក្រុងក្នុងការដឹកជញ្ជូនប្រជាពលរដ្ឋទៅតាមមូលដ្ឋាននានា ដើម្បីកាត់បន្ថយនូវការតំឡើងថ្លៃរបស់ក្រុមហ៊ុនរថយន្តឈ្នួលឬតាក់ស៊ី។

ក្នុងសារសម្លេងពិសេសនៅថ្ងៃទី១២ ខែកញ្ញា សម្ដេចតេជោ ហ៊ុន សែន បានជំរុញពលរដ្ឋបន្តការប្រុងប្រយ័ត្នពីជំងឺកូវីដ-១៩ ក្នុងពេលភ្ជុំបិណ្ឌ ក្នុងនោះសម្ដេចក៏បានបញ្ជាឱ្យសាលារាជធានីភ្នំពេញពិនិត្យលទ្ធភាពក្នុងការផ្ដល់មធ្យោបាយដឹកជញ្ជូនប្រជាពលរដ្ឋក្នុងឱកាសបុណ្យភ្ជុំបិណ្ឌផងដែរ ដើម្បីកាត់បន្ថយការប្រជ្រែតគ្នាក្នុងឡានតាកស៉ី និងជួយសម្រួលដល់តម្លៃនៃការធ្វើដំណើររបស់ពលរដ្ឋផងដែរ។

សម្ដេចតេជោមានប្រសាសន៍ថា៖ «សូមឱ្យសាលារាជធានីភ្នំពេញពិនិត្យលទ្ធភាពក្នុងការផ្ដល់មធ្យោបាយដឹកជញ្ជូននៅថ្ងៃភ្ជុំបិណ្ឌ បញ្ចេញរថយន្តទៅតាមបណ្ដាខេត្តដូចដែលយើងបានធ្វើនៅមុនកូវីដ-១៩ បានមកដល់ដើម្បីកាត់បន្ថយនូវការតំឡើងថ្លៃរបស់រថយន្តឈ្នួលទាំងឡាយ»។

គួរឲ្យដឹងផងដែរថា មុនមានការឆ្លងរាលដាលនៃជំងឺកូវីដ-១៩ សម្ដេចតេជោ នាយករដ្ឋមន្ត្រី ហ៊ុន សែន ក៏បានបញ្ជាឲ្យសាលារាជធានីភ្នំពេញបញ្ចេញរថយន្តក្រុងដូចគ្នា ដើម្បីដឹកជញ្ជូនពលរដ្ឋទៅកាន់ខេត្តរបស់ពួកគេទាំងក្នុងពិធីបុណ្យចូលឆ្នាំ និងបុណ្យភ្ជុំ។ ការសម្រេចរបស់ប្រមុខរាជរដ្ឋាភិបាលបែបនេះគឺដើម្បីកាត់បន្ថយនូវការដំឡើងថ្លៃរថយន្តឈ្នួលទាំងឡាយក្នុងពេលដែលពលរដ្ឋត្រូវធ្វើដំណើរច្រើនបែបនេះ៕ 


ព័ត៌មានជាច្រើនទៀតសម្រាប់អ្នក